Улсын бүртгэлийн ерөнхий газар иргэн, хуулийн этгээдэд үзүүлэх үйлчилгээг илүү хүртээмжтэй, шуурхай болгох зорилгоор албан ёсны цахим хуудсанд хиймэл оюун ухаанд суурилсан чатбот нэвтрүүллээ.
Тус чатбот нэвтэрснээр иргэн, хуулийн этгээд нь улсын бүртгэлийн үйлчилгээтэй холбоотой мэдээллийг 24 цагийн турш тасралтгүй авах боломж бүрдэж байна. Тухайлбал, үйлчилгээний төрөл, төлбөр хураамж, бүрдүүлэх баримт бичиг, үйлчилгээний цэг болон төвийн байршил, аймаг, нийслэл, сум, дүүргийн улсын бүртгэгчийн холбоо барих утасны дугаар, мөн цахимаар авах боломжтой үйлчилгээний талаарх мэдээллийг шуурхай авах боломжтой юм.
Мөн иргэд цахим үйлчилгээний талаарх мэдээллээ цаг хугацаа, орон зайнаас үл хамааран хялбар авах нөхцөл бүрдэж, төрийн үйлчилгээний хүртээмж, шуурхай байдлыг нэмэгдүүлэхэд чухал ач холбогдолтой болж байна
Улсын бүртгэлийн ерөнхий газар цаашид иргэдэд хүргэх цахим үйлчилгээний чанар, хүртээмжийг сайжруулах чиглэлээр үе шаттай арга хэмжээг үргэлжлүүлэн хэрэгжүүлэх болно.
.jpg)
.jpg)
