МУ-ын Сонгуулийн ерөнхий хорооноос 3 дугаар сарын 29-ны өдрийн 40 дүгээр тогтоолоор аймаг, нийслэлийн сонгуулийн хороог байгуулсан. Тэгвэл өнөөдөр аймгийн ИТХ-ын дарга Ц.Улам-Оргих Монгол улсын сонгуулийн ерөнхий хорооны тогтоолыг уншиж танилцуулан, аймгийн сонгуулийн хороог сум, хэсгийн хорооны бүх шатанд халдвар хамгааллын дэглэмийг баримтлуулан ил тод, нээлттэй ажиллахыг даалгаж, цаашдын ажлаас нь амжилт хүслээ.
Ерөнхийлөгчийн сонгуулийг зохион байгуулах Завхан аймгийн сонгуулийн хороо 9 хүний бүрэлдэхүүнтэй байгуулагдсан ба Аймгийн сонгуулийн хорооны даргаар аймгийн ЗДТГ-ын дарга Л.Лхамсүрэн, Нарийн бичгийн даргаар аймгийн Гэр бүл хүүхэд, залуучуудын хөгжлийн ахлах мэргэжилтэн Д.Цэгмид, гишүүдэд аймгийн цагдаагийн газрын дарга Н.Отгонжаргал, Улсын бүртгэлийн хэлтсийн дарга Ж.Сүхбаатар Боловсрол соёл урлагийн газрын ахлах мэргэжилтэн Х.Нансалмаа, Политехникийн коллежийн захирал Т.Рэнчинванжил, ЗДТГ-ын Төрийн захиргааны удирдлагын хэлтсийн дарга П.Мөнхзаяа, Орон нутгийн өмчийн газрын дарга Д.Батмэнд ЗДТГ-ын Хууль, эрх зүйн хэлтсийн ахлах мэргэжилтэн Н.Цогтсайхан нар томилогдсон байна.
Монгол улсын Ерөнхийлөгчийн сонгуулийн тухай хуульд зааснаар 4 дүгээр сарын 10-ны өдрөөс өмнө сумын сонгуулийн хороо, сумдын сонгуулийн хороо 5 дугаар сарын 10-ны өдрөөс өмнө хэсгийн хороодоо байгуулах ёстой. Үүнтэй холбогдуулан Аймгийн сонгуулийн хороо анхны хурлаа хийж ажлын төлөвлөгөөг хэлэлцэж баталлаа.
